बेळगांव
बेळगांव म्हणजे बेळगांव असतं
माझे गांव म्हणजे खूप छान असतं ,
माणसं अशी जगात कुठेही नसतील ,असतील ज री जगाच्या पाठीवर
नक्कीच प्रेमळ असतील !
अशी मायबोली कुठेच नसेल ,
हुडकून ,हुडकून शब्द कुठेच नसेल
काळजीपोटी पुसती 'अरे मरत्यास
काय ?
सायकल जरा बाजूला घेऊन
चालवशील का़य ?
बेळगांव म्हणजे बेळगांव असतं ,
माझे गांव म्हणजे खूप छान असतं ,
गरिबांचे हे महाबळेश्वर ,
बघता बघता झाले
विद्येचे माहेरघर !
नोकरीनामे येणारे पाहूणे झाले
बेळगांवकर,
अन् मानू लागले
हेच आपूलेघर !
असे हे गांव सर्वाना सामावून घेतं ,
बेळगांव म्हणजे बेळगांव असतं,
माझे गांव म्हणजे खूप छान असतं ,
अजूनही मुबलक भाजीपाला
चवीचा ,
लालभाजीची चव चाखेल तो,
भाग्याचा !
लोकांच्या स्वप्नातील मांडे ,
साक्षात ,
इथे मिळतात प्रत्यक्षात !
बेळगांव कुंदा ,चव मधूर ,
ख्याति याची ,दूरदूर ,
आलेपाक ,अन् उसाचा रस
प्यावा तो रसवंती इथेच ,
नाही तोड कुठेच !
मेहनत घेऊनी पिक काढती
शेतकरी ,
काळा वाटाणा ,मसूर
लईभारी !
बेळगांव म्हणजे बेळगांव असतं ,
माझे गांव म्हणजे खूप छान असतं
तळयाकाठचा गणपति
सर्वांची भक्ती न्यारी ,
मिलीटरी महादेव
इथे कडक शिस्त भारी !
समादेवी ,दुर्गामाता
आई कलावती ,लक्ष्मीदेवी ,
भक्तीने पुजती नारी !
बाळेकुंद्री पंतमहाराज ,
श्रध्दा ठेऊनी जाती भक्त ,
चरण स्पर्श करोनी
होती चिंता मुक्त !
बेळगांव म्हणजे बेळगांव असतं ,
माझे गांव म्हणजे खूप छान असतं ,
मुले गेली दाही दिशा ,
तरी आोढ या मातीची
आठवण येई ,आईबांबाची !
वेशीत शिरताच
स्वागत करे गारवा ,
हवेची झुळूकयेताच
अंगावर गोड शहारा !
मन गाऊ लागे ,डोलू लागे ,
गांव माझे आले ,
बेळगांव माझे आले !
बेळगांव म्हणजे बेळगांव असतं ,
माझे गांव म्हणजे खूप छान असतं ! forwarded to all lovely Belgaumites👌👌👌👌
No comments:
Post a Comment